Do hafte guzar chuke the, aur Sana aur Zara dono haveli mein wapas aa chuki thin. Haweli ki deewarein unki khamoshi aur udasi se bhari hui thin. Sid ne Sana ko us mushkil waqt mein sahara diya, uski har takleef ko apni banaya. Sana ke liye yeh samay bahut kathin tha, lekin use khud ko sambhalna tha kyunki uske triplets mein se do nanhe farishte ab bhi uske saath the. Uske dil mein ek gehra gham tha, lekin uske chehre par ek himmat thi, apne do bacho ke liye, jo uski zindagi ki roshni ban chuke the.

Sid aur Sana milkar apne nanhe farishton ka khayal rakhne lage. Zara, Sid ki behen, jo khud bhi is dardnak ghatna se guzri thi, apni bhabhi ke saath khadi thi. Uska pati, Haroon, bhi uske saath tha, un sabka dhyan rakh raha tha, unhein sahara de raha tha. Waqt ke marham ne dheere dheere Zara ko bhi normal karna shuru kar diya. Haan, dard tha, gehra gham tha, lekin zindagi ko aage badhna tha.