Sid ki aankhon se raat bhar neend ka ek pal bhi chhoo kar nahi gujra. Har second bas Sana ki cheekh uske kaan mein goonjti rhi , uski aankhon mein bhay, aur uss pal mein khamosh majboori. Jab se usne usse haveli ke peeche dekha tha, uska dil bas ek hi baat ke chakkar mein uljha rha tha – kyun kuch nahi kaha usne? Kyun chup rahi? Subah hone tak Sid ne bas ek faisla kiya – usse dekhna hai, uske kareeb jaana hai, chahe kuch bhi ho.

Isilye usne sana ka Darwaza dheere se khola. Kamra andhera tha, lekin ek peeli roshni se Sana ka chehra thoda dikh rha tha Uski aankhein band thi, lekin saans tez, aur jism... uske jism se to garmi tapak rhi thi .Usne dekha ki Sana ke paas koi theek kapda bhi nahi tha, sirf ek patla sa kapda lapeta hua tha, jo adha bistar par faila pada tha. Uski aankhon mein ek pal ke liye shock aur guilt dono uthal puthal karne laga . Woh aage badha, haath uske maatha par rakha, aur ek hi pal mein uska haath jale jaise ulta gya Bukhaar itna tez tha ki jism kaamp रहा tha.